Aurea Gemma <Gallica> 1.7-8 
Table of contents -- Next section -- Previous section -- Translation 
Main menu

[1.7] Alia erit lex earum, in quibus nobis aliquid vel aliis obtinere nitimur. In epistolis enim, in quibus aliquid obtinere nitimur vel nobis vel aliis, hoc maxime observabitur, ut primo dulcis sit salutatio et summatim totius epistole intentionem deliberans. Deinde liberalitas et munificentia eius, a quo petitur, preconiis extolli debet et, si aliquod nostrum meritum precesserit|[61r] vel maiorum nostrorum, in medium adduci debet.

vel] ab B      In epistolis--nitimur om. B per homoioteleuton      in medium adduci] ad animum reduci B

[1.8] Quinque observari competit vel convenit, que in omni petitione servantur,1 scilicet ut sit facultas faciendi penes eum, cui supplicamus. Deinde, ut sit iusta petitio. Tertio, ut sit modus in petitione. Quartum, ut sequatur remuneratio, si non humana, tamen divina. Quintum, ut precesserit meritum petentis, si non operis exhibitione, saltem in exhibendi devotione. Deinde debet subiungi, quod non de meritis nostris confisi, set de benignitate et de clementia ipsius, ad quem preces convertimus.

Quinque] Et prem. B      vel convenit om. B      servantur] observantur B      penes] apud B      eum om. A      iusta sit tr. B      Tertium B      tamen] saltem B      exhibendi] exhibenda B      et de clementia ipsius] ipsius et clementia B      quem om. A


1 For a slightly different list, see below, Aurea Gemma <Gallica> 1.61.  

***
© Steven M. Wight, Los Angeles 1998
Scrineum © Universitą di Pavia 1999