Boncompagnus 1.9 
Table of Contents -- Previous title -- Next title-- Tituli 
Incipits -- Siglorum conspectus

|1.9 DE INVECTIVIS CONTRA ILLOS, QUI AD STUDIUM IRE DIFFERUNT

1.9.1 Littere, quibus aliquis exhortatur iuvenem, ne ire differat ad studia litterarum.

[1] "Frequenter dilectionem tuam viva voce premonui, ut non differas ad litterarum studia properare, quod facere penitus neglexisti, non considerans quod in principio iuventutis ingenium hominis est velut cera calida, que apta est recipere quamlibet formam sigilli. Postquam vero ad diuturnitatem fit progressus vena studentis arescit, erubescit insistere initialibus documentis. Porro mora trahit ad se ignorantie periculum, ubi negligitur et spernitur etatis et temporis aptitudo."

1.9.2 Invectiva contra illum, qui disposuit ire nec vadit ad studia litterarum.

[1] "Ad annum iam vigesimum pervenisti et ante quintum decimum ire disposueras ad studia litterarum dicens assidue 'in anno futuro studebo', et aliquando referebas 'cras ibo', volens imitari corvos et volatum spernere aquilarum, unde in fabulam populi es conversus."

1.9.3 Invectiva contra illum, qui cum fervore studere incipit et cum pudore dimittit.

[1] "Circa tui studii principium eras in lectionibus et repetitionibus animosus, nocturnas quietes crebris vigiliis conturbabas, et in exercitio litterali fervere sicut aqua bulliens videbaris. Sed paulo post vigilias respuisti, et nunc frigidior glacie inveniris, unde proverbialiter plurimi dicere iam ceperunt: 'Quid facit in prato ille vitelus novellus, qui circa scientiam cornua et ungulas producere videbatur, et nunc velut taurus evagari non desinit per armamentum?'"

1.9.4 Littere, quibus reprehensus promittit, si iturum cum illo, qui eum reprehendit.

[1] "Tollerare non valens improperia diuturna disposui firmiter Bononiam regredi ad studendum, unde vos deprecor, ut michi significare velitis, qua die disposuistis iter arripere, quia vobiscum venire peropto."

1.9.5 Preordinat reprehensor terminum reprehensio.

[1] "Die mercurii proximo sis paratus, si mecum venire peroptas."


 

On invective, see Rhetorica novissima prol. 2, 10.1 and DP 99 A83 vol. 5 (1995) Atalaya: revue francais d'etudes medievales hispaniques "L'invective au moyen age (France, Espagne, Italie)." blazons populaires, Cicero’s Cataline Orations, Sallust’s invective against Cicero, Ovids’ invective against Ibis, Petrarch’s invective, Scholberg, Kenneth R. Satira e invectiva en la Espana medieval (Madrid 1971); Benzinger’s Invectiva in Romam


***
© Steven M. Wight, Los Angeles 1998
Scrineum © Università di Pavia 1999