Boncompagnus 3.13 
Table of Contents -- Previous title -- Next title-- Tituli 
Incipits -- Siglorum conspectus

|3.13 DE ACCUSATIONIBUS LEGATORUM

3.13.1 De accusationibus legatorum et de vitiis legati.

[1] "Ad accusandum inducit nos exactio cardinalis ...numcupare| ...plenam inducere,| novit excusationes omnimodas in peccatis."

3.13.2 De consanguinitate.

[1] "Inclite recordationis .G.1 rex Portugalensium, de cuius lumbis fuimus propagati, nobis tempore adolescentie nostre .A.2 filiam regis Aragonensi tradidit in uxorem ... Quapropter sanctitatem| apostolicam..."

3.13.3 De consanguinorum matrimonio illicito.

[1] "Miratur mundus cunctaque mortalium corda stupescunt, quod ecclesia Romana delictorum omnium refrenatrix sustinet Tyronensis regis1 excessum, quod exemplo mortifero multorum Christianorum animos labefactat et dat plurimis materiam delinquendi, quia filiam principis Antiochie2, que, sicut multi noverunt et fama publica protestatur, sibi est in tertio consanguinitatis gradu adiuncta, retinet pro uxore.  Ceterum ipse in hoc delinquere non videtur, set culpa in ecclesiarum matrem refunditur, que cum iam deberet apponere vulneri medicinam notorium sicut in ore omnium iam plebescit timore vel inhonestis intercessionibus pertransit auribus semiclausis.   Ecce Christiane religionis cultores, qui Terram Sanctam visitant, per tanti excessus exemplaria terrebuntur et dum illius terre principem iudaizare intelligunt, per orbem terrarum detestabilem famam reportant et barbare nationes plurimum conlectantur, quod regem Terre Sancte habuit in incestu consortem.  Quare sedis apostolice clementiam rogitamus, ut tam illicitum non differat matrimonium separare."
notorium AS] votorum P        intelligunt] intelliguntur et A          conlectantur S] conletantur P colletantur A         Sancte om. A
1See above, 2.2.2,  below, 3.14.2. and  Oliva 37 note 291.        2

3.13.4 De simonia.

[1] "Corrupte propaginis labes posteritatem morbificans, de symonia sem<???> inficit capitulum Tarantinum, quia multiplicatis intercessoribus et pravitate simonica preeunte, quoddam in archiepiscopum eligere non expavit, de cuius conversatione tutius est silere quam loqui. Sane toti provincie constat illum fuisse bigamum diversisque criminibus <???> et de servili conditione creatum. Nos autem qui ..."

3.13.5 De perditione et periurio.|

[1] "Coloniensis1 archiepiscopus, qui nuper a vobis confirmationem electionis sue proditoriis blanditionibus| impetravit, contra inhibitionem nostram2 Philippo3 consilium exhibet et iuvamen. Sic enim confirmatus pacta defirmat, composita decomponit et solvens iuramenti vinculum regem Ottonem4 offendere non veretur."5 1 Adolf I. v. Altena, archbishop of Cologne (1193-1205). deposed 19 June 1205.           2 Innocent III, pope (1198-1216).          3 Philipp of Schwaben ().         4 Otto IV of Braunschweig().     5See below, 3.XXX.

3.13.6 De homicidio.

[1] "Quamquam dehonestare videamur ordinem monachalem, vestre tamen sanctitati cogimur intimare, quod abbas Lemovicensis1 ebrietate fedatus quendam hominem interfecit nec propter ea desinit sacra tractare."
Lemovicensis] Lemocinensis X, Lemoniensis B
1 Limoges. ()

3.13.7 De homicidio furto et sacrilegio.

[1] "Iohannes monachus Tudertinus1 de media nocte strangulavit monachum dormientemn et ecclesie thesauro sublato aufugit et Ancone dicitur latitare."
Tudertinus] Graguriensis X, -raguriensis B
1 Trau, in Dalmatia.

3.13.8 De adulterio.

[1] "Abbas de Marmoreto quendam suum ministerialem incarcerari precipit et uxorem eius detinet manifeste. Unde vituperatur ministerium monachorum et scandalum in populo non modicum generatur."

3.13.9 De vana gloria.

[1] "Callensis1 presul admodum regis falleratus incedit et dimissa tonsura deferre habitum non desinit militarem."
Callensis X] Pallensis M, Tallensis B, Fallensis P
1Cagli, in the Kirchenstaat.

3.13.10 De fornicatione.

[1] "Istriensis episcopus femineo generi non parcit, sed cum quelibet vult aliquid excercere."|

3.13.11 De avaritia.

[1] "Traguriensis1 presul ita est avaritie lepra corruptus, quod panem, quam prius iubet pauperibus exhiberi, exponi facit postmodum ad vendendum."

3.13.12 De usuris.

[1] "Rerum humanarum ambitio sic traxit plures clericos in laqueum deceptivum, quod suam peccuniam ad usuras exponere non formidant."

3.13.13 De celere sodomistico.

[1] "Abhorrendum et detestabile crimen instigante diabolo invasit animos plurimorum, profect plures immo infiniti sunt, qui iura nature corrumpunt et semina in extraordinarios campos mittere non formidant."

3.13.14 De incestu.

[1] "Regnum Ungarie iam novit plenius et per diversas mundi partes crimimnosa fama volavit, quod episcopus cum sua sorore ultra debitum conversatur, quia secum iacet in lecto et ipsa episcopalem cameram frequenter dicitur visitare. Ceterum, si non esset formosa immo formosior formosis, tanta suspicio de conversatione illa minime orietur. Preterea ultra debitum monachalem familiaritatem requiret et sic errorem errori adiungens, plurimis tribuit materiam delinquendi."

3.13.15 De dilapidatione.

[1] "Decanus et canonici ecclesie Spalatensis ..."

3.13.16 De incendiis predis et rapinis.|

[1] "Camnus monachus domos nuper infinitas combussit, multos negotiatores est in strata depredatus et centum vaccas rapuit Claravallensibus de armento."
rubr. rapinis |  [32va] S             Camnus] Pamnus B, -amnus M, Camnus PX,

3.13.17 De falsaris.

[1] "Infelix abbas de Marmoreto1 bullas Romane curie cum subtili subula perforabat, et cum acu subtilissima filos adulterinos immitens, cum ligneo malleo interposito filtro planificavit. Bullas, quas| falsis litteris imprimibat, fecit etiam cineritium de cuius artificio tutius est silere, quia per ipsum bullas papales, monetas omnes et sigilla quelibet faciebat et non inveniebatur in uno puncto delictum."2

3.13.18 De sophisticatione depositi.

[1] "Samnus monachus, antequam esset pirata, religionem fictitiam simulabat. In claustro nempe, in quo habitum monachalem recipit, sublato alphabeto communi, mille marcharum depositum cum stagno sophistico alteravit et abbati facinus totum ascripsit et elapso tempore illam peccuniam et thesauros ecclesie asportavit."

For another accusation of Samnus Daliniensis, see below Boncompagnus 3.19.10.


***
© Steven M. Wight, Los Angeles 1998
Scrineum© Università di Pavia 1999