Boncompagnus 4.3 
Table of Contents -- Previous title -- Next title-- Tituli 
Incipits -- Siglorum conspectus

|4.3 DE ROGAMINIBUS, QUE PORRIGUNT IMPERATORES ET REGES INFERIORIBUS, ET DE RESPONSIONIBUS INFERIORUM

|4.3.1 Quando imperator vel rex rogat prelatum vel subditum, ut sua debeat negotia protractare.

[1] "De tue dilectionis et fidelitatis industria confidentes volumus et rogamus, ut imperii negotia studiosius tractare procures, sciens quod personam vestram sincere diligimus honori et profectu tuo superintere cupientes."
| [33vb] P    [42ra] S           | [42rb] S

4.3.2 Responsiva prelati seu subditi.

[1] "Imperialis maiestatis litteras intuens, plurimum exultavi, quia dignati fuistis mee parvitati excelsa imperii negotia committere ad tractandum, referendo pariter quod me sincere diligitis et profectui meo superintendere affectatis. Super quibus celsitudini vestre subicibiles refero grates, promittens firmiter quod cuncta michi commissa negotia fideliter tractare curabo."

4.3.3 Rogat imperator aliquam cardinalem, ut Maguntino archiepiscopo exhibeat consilium et favorem.

[1] "De tue sinceritatis perseverantia confidentes, industriam tuam attentius rogitamus, ut dilecto imperii fideli archiepiscopo Maguntino consilium exhibeas et favorem."

4.3.4 Responsiva cardinalis.

[1] "Rogamina, que pro archiepiscopo Maguntino imperialis celsituo porrexit, loco mandatorum suscepi, unde sibi coram summo pontifice consilium et iuvamen studui taliter exhibere, quod cuncta que postulavit se impetrasse letatur."

4.3.5 Rogat imperator cardinalem, ut sibi novos rumores et occulta pape negotia significat.

[1] "Tue sinceritatis constantiam dilectionis brachiis amplectentes, tuam confidentius amicitiam deprecamur, ut novos rumores et occulta pape negotia maiestati nostre non differas intimare."

4.3.6 Responsiva cardinalis.

[1] "De novis rumoribus et occultis domini pape negotiis maiestatem vestram sic reddo litteris presentibus certiorem, quoniam summus pontifex, in quibuscumque potest honorem vestram annullare molitur et regnum Sicilie sibi usurpare anhelat, congregans regni| barones per diverticula eis promissionibus et muneribus suadendo, ut in vos debeant unanimiter conspirare."
regni | [42va] S

4.3.7 Rogat rex1 aliquem archiepiscopum,2 ut cuidam suo clerico3 debeat assignare prebendam.4

[1] "Latorem presentium .H. clericum, qui nobis iam per quinquennium deservivit, tue industrie commendamus, rogantes quatinus ob reverentiam nostram sibi locum et prebendam in ecclesia Strigonensi assignare procures." |
           procures | [34ra] P
1           2             3          4 Sweeney ""

4.3.8 Responsiva archiepiscopi, quod facere non potest.

[1] "Regalis maiestas michi nuper iniunxit, quod .H. clerico vestro assignarem in ecclesia Strignonensi prebendam, quod ob vestram et regni reverentiam ducerem libentissime ad effectum, sed manifestum est, quod in maiori ecclesia non possum alicui beneficium assignare."

4.3.9 Littere indignationis et cominationis contra eundem archiepiscopum.

[1] "Non possumus non mirari, quod semper mandata nostra contempsisti et voluntati nostre niteris obviare, sed firmiter scias et nullatenus dubites, quod regalis gladius culpam quandoque feriet excedentis."

4.3.10 Responsiva archiepiscopi cum timore.

[1] "Comminationis vestre littere me, ultra quam credi valeat, terruerunt, quia licet sim innocens, nocentia1 nichilominus me accusat, et ubi culpa non est, queritur ultio pro delicto. Sed ex quo videro, quod regalis indignatio contra me fortius invalescit, vobis archiepiscopalem sedem relinquam."

1 Cf. Geoffrey de Vinsauf Poetria nova prol.


***
© Steven M. Wight, Los Angeles 1998
Scrineum © Università di Pavia 1999