Boncompagnus 6.14 
Table of Contents -- Previous title -- Epilogus-- Tituli 
Incipits -- Siglorum conspectus

|6.14 DE DEPOSITIS

6.14.1 Quot modis fiunt deposita.

[1] Quidam sua deponunt apud religiosas personas, alii deponunt apud aliquod laicos, qui boni esse creduntur, alii apud hospites, quorum notitiam habent vel cum quibus sunt casualiter hospitati, alii apud mercatores vel campsores.
 |  [65va] P
[2] Item quidam deponunt tantum ad custodiam, alii ad custodiam et causa lucri, alii causa timoris.|
timoris |  [65vb] P

6.14.2 De signis depositorum.1

[1] Quidam tempore depositionis faciunt fieri publica instrumenta.

1 See above, 3.13.18.

[2] Item quidam faciunt alphabeta, que per medium dividuntur. Et remanet una medietas alphabeti apud depositarium et aliam depositor secum portat.

[3] Item deposita sigillorum impressionibus consignantur et ita sigillata et superscripta redduntur.

[4] Item quandoque stringitur aliquis digitus vel pes pedi supponitur vel ostenditur anulus vel cultellus aut aliquid aliud, prout fuit communiter ordinatum.

6.14.3 De deceptionibus depositorum et fraudibus depositariorum.

[1] Deceptores aliquando sigillant quid pro quo et ita quandoque repetunt, quod in deposito non dederunt.

[2] Item depositarii vere vel falso asserunt, quod casu rapina vel furto deposita perdiderunt. Et ita de controversiis depositorum materie plurime oriuntur, quas causa exercitii relinquo ingenii oratorum.


***
© Steven M. Wight, Los Angeles 1998
Scrineum © Università di Pavia 1999