Boncompagnus 6.9 
Table of Contents -- Previous title -- Next title-- Tituli 
Incipits -- Siglorum conspectus

|6.9 DE FIDEIUSSORIBUS ET MUTUATORIBUS

6.9.1 Littere, quibus aliquis nobilis rogat amicum, quod pro ipso debeat fideiubere.

[1] "Pro guerris torneamentis et nuptiis celebrandis coacti sumus expendere infinita, sicut vestra desiderabilis amicitia non ignorat."
| [62vb] P
[2] "Nunc autem ad vos tamquam ad securum portum recurrentes, dilectionem vestram attentius deprecamur, ut apud Br. Coloniensum negotiatorem pro nobis in duobus milibus marcharum debemus a nostris hominibus recipere peccunie quantitatem, unde in proximo cuncta in integrum persolvemus."

6.9.2 Responsio, qua significatur, quod exaudivit rogamina postulantis.

[1] "Iuxta vestrarum precum tenorem, quas loco suscepimus mandatorum, pro vobis in mille marchis argenti ad pondus| Coloniense fideiubere curavimus, habentes in desiderio magnitudini vestre nunc et semper in quibuscumque poterimus deservire."
pondus | [63ra] P

6.9.3 Littere, quibus aliquis nobilis rogat amicum, quod sibi mutuet aurum, et promittit de collecta persolvere totum.

[1] "De amicitie vestre sinceritate plurimum confidentes, vos confidentius et securius deprecamur, ut nobis mille auri uncias mutuare velitis, procul dubio scientes quod in proximis Kalendis Iunii1 per terram nostram collectam faciemus fieri generalem, et postmodum totam peccunie quantitatem persolvi."

11 June

6.9.4 Notula, qua notantur ea, pro quibus nobiles recipere mutuo peccuniam compelluntur.

[1] Hee sunt cause, que magnos viros compellunt mutuo recipere peccuniam: frequens hospitalitas, que fit causa curialitatis, fideiussio pro amicis, dona, que conferuntur ad laudem guerre, seditiones, cause vel placita, visitatio curiarum, desponsatio feminarum, amor mulierum, ludus alearum vel zare,1 egritudo et inopinata rerum ammissio, peccunie acceptio sub usuris, gula, ebrietas, negligentia, controversiam incursus, et inprovidentiam rei familiaris.

1See above, 1.11.3, 1.13.3, 4.6.6, 5.6.25. WALTER TAUBER Das Wuerfelspiel im Mittelalter und in der fruehen Neuzeit: eine kultur- und sprachgeschichtliche Darstellung (Frankfurt-New York: Peter Lang, 1987) Europaeische Hochschulschriften. Reihe I, Deutsche Sprache und Literatur, Bd. 959. ANTJE KLUGE-PINSKER Schach und Trictrac: Zeugnisse mittelalterlicher Spielfreude in salischer Zeit (Sigmaringen: Jan Thorbecke, 1991).

[2] Unde illi, qui mutuant vel fideiubent, considerare debent propensius omnes causas predictas, nisi forte sint suppositi potentibus, quia frequenter contingit, quod domini a suis fidelibus petunt mutuo sine spe reddendi.

6.9.5 De illo, qui rogat, quod sibi aliquis peccuniam acquirat mutuo.

[1] "Amicitiam vestram, de qua plene confidimus, rogitamus, ut nobis mille libras mutuo acquiratis, quoniam usque ad Kalendas proximas1 tenemur pro dote filie nostre solvere non parvam peccunie quantitatem."

1See above, 6.9.3

6.9.6 Littere, quibus aliquis consulit, ne tali debeat mutuare.

[1] "Amicitie vestre duxi firmiter consulendum, quod tali non debeatis peccuniam mutuare aut pro eo fideiubere, quia maiorem partem possessionum suarum iam pignori obligavit, immo sicut audivi et verum esse credo, domus eius tribus est fideiussoribus obligata et quisque creditor sibi credit obligationem specialiter esse factam, unde illorum aliquis erit in fine delusus."

[2] "Preterea de iuramento non curat. Et si curaret necessitas illum cogeret periurare."

6.9.7 Littere, quibus ille, qui fideiussit, debitorem sollicitat ad solvendum.

[1] "Ecce appropinquat terminus solvendi peccuniam, quam mutuo recepistis."

[2] "Unde vos duxi attentius premonendos, ut antequam veniat terminus, sitis ad reddendum parati, quia creditor intendit ad nundinas properare, unde vobis terminum nullomodo remutaret, et ego pro fideiussione paterer non modicum detrimentum."

6.9.8 De illo, qui rogat, ut sibi terminus prorogetur.

[1] "Quia de sinceritate amicitie vestre tamquam de nobis ipsis confidimus, idcirco vos in quantum possumus deprecamur, ut terminum remutari nobis usque ad duos menses faciatis. Et tunc parati erimus vos ab omni fideiussionis ligamine relaxare."

[2] "Nunc autem multis et variis sumus negotiis impediti et iam non possumus peccuniam invenire."

[3] "Vos autem interim aliquod exhibetis salarium creditori, usuram etiam si oportuerit augmentando."

6.9.9 Littere, quibus aliquis conqueritur de illo, cui peccuniam mutuavit.

[1] "Operuit confusio faciem meam, quia sub velamine promissionum vestrarum fallax et periurus appellor. Iam enim quinque termini preteriere, quod polliciti fuistis solvere pecuniam creditori, et vestrum promissum effectui non mandastis."

[2] "Unde fideiussionis onere pereo et vos mei non dignamini recordari."

[3] "Preterea in remutationibus terminorum exhibui salaria et conduplicavi usuram. Sed nunc, quid faciam ignoro, quia ulterius non potero terminum impetrare." |

impetrare | [63rb] P

6.9.10 De lacrimabili conquestione illius, qui omnia sua et filios causa fideiussionis obligavit.1

1See above, 4.7.5, 4.7.6.

[1] "Audite vicini, et attendite populi de longe, et ascultate diligenter gravamen et miseriam, quam pacior pro tali, pro quo universa, que habui et habere potui, creditoribus obligavi, dedi salaria, duplicavi usuras, consumpsi mobilia, possessiones distraxi et nunc filii mei detinentur in carcere vinculati et ego vagor undique panem cum lacrimis queritando."

[2] "Ad illum ergo convertam sermonem, pro quo mille marchas iam expendi et proprios filios obligavi, et dicam: 'Quousque oblivisceris mei? Quando pones consili<???> anima tua, ut respicias dolorem et miseriam meam et absolvas filios meos a tetro carcere, in quo pro te detinentur captivi? De me vero non curo, immo parabo gladium, quo me decolles, si filios meos non duxeris absolvendos.'"

6.9.11 Notula doctrinalis.

[1] Preterea de istiusmodi satis in hoc titulo breviter pertractatum, ex eo quod in titulo DE SCOLASTICIS VIRIS de consimilibus satis dictum est.1

1See above, 1.21.

[2] Illi autem, qui non possunt vel nolunt fideiubere vel solvere, quod postulant, absque omni doctrina sciunt excusationes facile invenire.


***
© Steven M. Wight, Los Angeles 1998
Scrineum © Università di Pavia 1999