Rhetorica novissima 12
Table of Contents-- Book 11-- Book 13-- Tituli 
Incipits-- Siglorum conspectus

INCIPIT LIBER DUODECIMUS.

12.1 De colloquiis. 

12.1.1 Quid sit colloquium

     Colloquium est aliquorum conventus in locis et terminis constitutis, in quo communia vel privata negotia pertractantur. 

12.1.2 Unde dicatur

     Quia diverse persone et diversis terris et locis pro communibus et privatis negotiis collocuntur, ideo talium personarum conventus dicitur colloquium ex quadam consuetudine approbata. 

12.1.3 Pro quibus causis fiat colloquium

     Colloquium fit aliquando pro matrimoniis contrahendis, aliquando pro excitandis guerris et seditionibus, aliquando pro facienda treugua vel pace, et pro aliis negotiis que numerari non possent. 

12.1.4 Quid sit treugua

     Treugua est pacis preambula, et interposita quies guerrarum. 

12.1.5 Quid sit pax

     Pax est quies anime cum statu corporis et incolumitate dilectorum. 

12.1.6 De consuetudine colloquii

     Consuetudo colloquii est adeo generalis, quod in omnibus mundi partibus observatur. 

***
© Steven M. Wight, Los Angeles 1998

Scrineum © Universitą di Pavia 1999